Дознајте повеќе за светскиот тренд на исправување на забите со невидливите фолии DAligners
Што е DAligners?
Тоа е техника на ортодонтски третман со примена на високо естетски, пријатни за носење, транспарентни и ефикасни фолии, без употреба на фиксни протези.
Сетот на фолии се користи за исправување на заби и овозможува да само со две посети на стоматолог се добие решение за вашиот проблем. Во првата посета се прават низа фотографии, Ртг снимка и интраорален скен додека во втората веќе го добивате целиот сет кој е наменет индивидуално за Вас. Тој се состои од сет на фолии кои се менуваат на 12 – 14 дена. Со континуирано носење на фолиите околу 20 часа дневно се врши притисок на забите кој доверува до поместување на забите и на тој начин доближување на чекор повеќе до посакуваниот резултат. Бројот на фолии зависи од тежината на проблемот кој го имате и од бројот на забите кои сакаме да ги третираме.
Желбата за постигнување на убава и здрава насмевка како и правилна поставеност на забите е во пораст и тренд особено кај повозрасната популација која не сака да користи фиксни ортодонтски апарати за да го постигне тоа. DAligners се вистинскиот избор за ефикасен третман кај овие пациенти.
- Која е разликата помеѓу третманот со фиксни протези и третманот со D Aligners?
- Фиксните протези без разлика од каков материјал се направени, естетски или метални, се лепат за забите и во текот на целиот третман остануваат залепни со што се отежнува одржувањето на оралната хигиена и најчесто задаваат проблеми со појава на рани и болки во устата и бараат редовни посети кај ортодонтот на месечно ниво.
- Третманот со DAligners системот на транспарентни фолии е многу попријатен ,полесен за носење и трае многу пократко . Секоја од низата на пре – дизајнирани фолии може да се извади од устата со што се овозможува слободно јадење како и одржување на перфектна орална хигиена
- Кои се предностите на третманот со DAligners?
- целосно транспарентни и удобни
- времетраењето на третманот со DAligners значително пократок од третманот со фиксни протези
- Бројот на посети во стоматолошката ординација се пократки и многу поретки
- Движењето на забите е претходно дигитално дизајниран и успехот на третманот веќе е познат на пациентот
- Цената на третманот е значително поприфатлива во споредба со минатите години
- Загарантирана ефикасност поради дигитално предвидени резултати
- Како се одвива целиот процес на третманот со DAligners во Дентал Арт?
При првата посета со цел да се добијаат доволно податоци за прецизна анализа се прават фотографии , Ртг снимка од забите и интраорален скен на забите кој го заменува стариот класичен начин на земање на отпечатоци и овозможува значително поголем комфорт на пациентот и максимална прецизност на моментална состојба. Благодарение на целосната дигитализација на гореспоменатите податоци истите се обработуваат со софтвер од страна на ортодонт и се предвидуваат сите движења на забите до постигнување на бараниот резултат.
Веќе при втората посета на пациентот му се покажува финалниот резултат од дигиталниот дизајн на движењето на забите и насмевката и се соопштува колку време ќе трае третманот и колку последователни фолии пациентот ќе носи. Третата посета е и највозбудливата кога на поедини заби се прават копчиња од целосно транспарентна пломба и се поставуваат фолиите а пациентот добива инструкции за понатамошните посети.
За подетални информации во однос на третманот до денталните алајнери слободно контактирајте не и закажете преглед кај еден од нашите доктори.